Kryeministri i Spanjës, Pedro Sanchez ka deklaruar se do të kërkojë shtyrjen me dy javë të gjendjes së jashtëzakonshme nga koronavirusi.
Sanchez sqaroi se shtyrja e masave deri më 21 qershor do të ishte e fundit, duke theksuar se rastet e reja me COVID-19 janë në rënie.
Ditën e djeshme, Spanja shënoi vetëm 4 viktima nga koronavirusi, një rënie drastike e shifrave. Deri më tani Spanja regjistron më shumë se 27 mijë viktima nga virusi, një nga shifrat më të larta në botë.
Kujtojmë se Spanja e ka shpallur gjendjen e jashtëzakonshme që prej datës 14 mars dhe që nga atëherë e ka shtyrë atë disa herë.
Edhe Maqedonia e Veriut njoftoi sot shtyrjen e gjendjes së jashtëzakonshme nga koronavirusi për 14 ditë.
