Hawaii është tronditur natën e djeshme pas shpëthimit të vullkanit Kilauea dhe një serie të njëpasnjëshme tërmetesh. Fatmirësisht, nuk janë raportuar dëme në njerëz deri më tani, shkruan CNN.
Sipas Shërbimit Gjeologjik të SHBA-ve, (USGS) tërmeti ka rënë në orën 23:36 me magnitudë 4.4 të shkallës rihter dhe me epiqendër në pjesën jugore të vullkanit Kilauea.
USGS informon se të paktën 7 lëkundje të tjera sizmike me magnitudë nga 2.5 në 2.7 kanë qenë të shpeshta gjatë orëve të mëparshme.
Video from W rim of the caldera just before midnight. As of December 21 at 1:30 a.m. HST, the growing lava lake has almost reached the level of the lowest down-dropped block that formed during the 2018 collapse events. Over the past 2 hours, the lake has risen by ~10 m (32 ft). pic.twitter.com/Qbx1d6hbq4
— USGS Volcanoes? (@USGSVolcanoes) December 21, 2020
Tërmeti shkaktoi disa çarje në kraterin e vullkanit duke e bërë atë që të “zgjohej nga gjumi”. Ndërkohë, Agjencia e Mbrojtjes Civile në vend u ka kërkuar njerëzve që të qëndrojnë të mbyllur në shtëpi për të evituar dëmtimet dhe humbjet e jetëve.
Hera e fundit kur vullkani Kilaleua shpërtheu, ishte në maj të vitit 2018, ku u shkatërruan rreth 700 banesa të zonave përreth, dhe duke detyruar banorët që të zhvendosen prej andej.
