Koreografi Albi Nako dhe balerina Alba Hoxha kanë tërhequr së fundmi vëmendjen e të gjitha mediave. Teksa shikoheshin shpesh në shoqërinë e njëri-tjetrit dhe udhëtuan jashtë shtetit së bashku, u aludua se çifti ishte në një marrëdhënie.
Vetëm dy ditë më parë u përhap lajmi se Albi kishte nisur përgatitjet për fejesë dhe shumë shpejt ata do të shkëmbenin unazat. Mirëpo koreografi e mohoi lajmin e fejesës, duke deklaruar se nuk ishte i fejuar dhe nuk ishte i lidhur me Albën.
Pas mohimit të lajmit nga Albi, edhe balerina ka bërë ditën e sotme deklaratën e papritur. Nëpërmjet një postimi në Instastoryn e saj, Alba i ka njoftuar të gjithë se është ‘Beqare dhe e lumtur’, duke i dhënë fund thashethemeve për çiftin.
