Para pak ditësh, fjalimi i Elisa Spiropalit u bë lajmi i ditës, për shkak se sipas saj, ëndrrën e Skënderbeut për Shqipërinë mund ta realizojë vetëm Edi Rama.
Megjithatë, “perlat” e Elisës nuk kanë të sosur. Së fundmi, në një prezantim të kandidatëve për deputetë të PS-së në qarkun e Korçës, Spiropali tha se ndihet e privilegjuar që kandidon dhe do t’i shërbejë komunitetit të Kolonjës, vend i cili ka nxjerrë figura të njohura historike.
“Privilegj të jem në shërbim të krahinës që ka gdhendur në histori kaq shumë rilindas, njerëz të arsimit e kulturës, si Fan Noli, Petro Nini Luarasi, motrat Qiriazi, Faik Konica, Papa Kristo Negovani, Shahin Kolonja… mund të vazhdoj gjithë natën”, theksoi sekretarja e Partisë Socialiste, shkruan Newsbomb.
Por, Spiropali harroi që Faik Konica nuk ka lidhje me Kolonjën e Korçës, duke bërë kështu gafën e radhës, e cila nuk u ka shpëtuar medieve.
