Zëvendëspresidenti i SHBA Mike Pence ka paralajmëruardiktatorin e Koresë së Veriut Kim Jong-un, që të mos “luajë” me Presidentin Donald Trump më lidhje me takimin e dy liderëve që është planifikuar për muajin e ardhshëm.
Pence tha në një intervistë të Fox News se një veprim i tillë do të ishte një “gabim i madh” nga udhëheqësi i Koresë së Veriut.
Pence tha gjithashtu se edhe Trump mund të largohet nga samiti i 12 qershorit.
Koreja e Veriut ka kërcënuar të largohet nga takimi pas komenteve të Këshilltarit të Sigurisë Kombëtare të SHBA John Bolton.
Vendi reagoi me zemërim kur Z. Bolton sugjeroi se do të ndiqte “modelin e Libisë” për denuklearizimin.
Ish-udhëheqësi i Libisë, Muamar Gadafi, u pajtua me fuqitë perëndimore në 2003 për të çmontuar programin e tij në këmbim të heqjes së sanksioneve. Tetë vjet më vonë ai u vra nga duart e rebelëve të mbështetur nga Perëndimi.
Koreja e Veriut është gjithashtu e zemëruar me stërvitjet ushtarake të SHBA-së në Korenë e Jugut dhe ka ndërprerë bisedimet me Jugun.
“Nuk mendoj se Presidenti Trump po mendon për marrëdhëniet me publikun, ai po mendon për paqen”, tha zëvendëspresidenti.
Neë York Times njoftoi të dielën se presidenti amerikan po kërkon ndihmës dhe këshilltarë nëse ai duhet të vazhdojë të shkojë përpara me samitin.
Burimi: BBC
Përktheu: Tirana Today
