Dy shpërthime të mëdha kanë tronditur ditën e sotme Zonën e Gjelbër të Bagdadit, në të cilën strehohen zyra qeveritare dhe ambasadat e huaja.
Sipas raportimeve të para, një raketë u ul në afërsi të ambasadës amerikane në kryeqytetin irakian. Deri më tani nuk raportohet të ketë pasur viktima ndërsa, rruga që të çon në ambasadën e SHBA-së u mbyll pas sulmit.
Burime për Reuters thonë se një bombë tjetër u lëshua brenda lagjes Jadriya të Bagdadit duke plagosur pesë persona.
Këto sulme vijnë pas thirrjeve të mijëra militantëve dhe përkrahësve të tjerë që brohorisnin “Amerika është Djalli i Madh” gjatë momentit kur po shoqëronin për në banesën e fundit gjeneralin Qassem Soleimani.
