Vllaznia e madhe ka zhgënjyer çdo shkodran dhe çdo tifoz të saj në gjithë Shqipërinë me rënien në Kategorinë e Parë, por për të kthyer sadopak buzëqeshje ka menduar ekipi i të rinjve.
Vllaznia U19, e drejtuar nga trajneri Luan Zmijani, ka mposhtur në finale Flamurtarin dhe është shpallur kampion i Kategorisë Superiore. Ky ishte trofeu i tretë i fituar brenda një sezoni për kuqeblutë, të cilët do të marrin pjesë për herë të dytë në UEFA Champions League Youth.
Repaj në minutën e 25-të dhe Gruda në minutën e 67-të ishin autorët e golave për shkodranët, ndërsa për Flamurtarin shënoi Rrapaj në minutën e 82-të.
