Kryeministri Edi Rama ka emëruar sot Aspasjana Kongon si zëvendësministër të Arsimit, Sportit dhe Rinisë.
Ky post mbahej më parë nga Lorena Haxhiu, e cila dha dorëheqjen një muaj më parë. Haxhiu dha dorëheqjen pasi ajo dhe familja e saj u futën në listën e zezë të Departamentit Amerikan të Shtetit.
Shkak për dorëheqjen e Haxhiut u bë përfshirja e babait të saj Eduart Haxhiu në grupin kriminal që merrej me falsifikimin e vizave për klandestinët drejt SHBA-ve, Kanadasë dhe Anglisë.
Lorena Haxhiu u emërua më 13 shkurt 2019 nga Këshilli i Ministrave, duke zënë vendin e lënë bosh nga Besa Shahini, e cila kaloi në postin e ministres së Arsimit.
