Komisioneri Johanes Hahn, në një konferencë për media me kryeministrin Edi Rama është shprehur se Shqipëria është në rrugën e duhur për hapjen e negociatave me BE, por akoma janë disa pengesa që duhen kaluar. Sipas tij në radhë të parë partitë politike duhet të kenë një objektiv të përbashkët, dhe këtë duhet ta tregojnë me vepra. Ndërkaq Komisioneri për zgjerimin Johannes Hahn tha se procesi i negociatave bazohet tek faktet dhe jo në thashetheme e aludime.
Pas deklaratës së ambasadorit Donald Lu se rezultatet e reformës në drejtësi për arrestimin e ‘peshqve të mëdhenj’ duhet të nisnin në fillim të 20018-ës, vjen një tjetër mesazh nga ndërkombëtarët. Hahn theksoi se procesi i vettingut duhet të japë rezultatet e para në fillim të vitit.
“Unë kam ardhur sërish pas disa kohësh për arsye se Shqipëria siç e dini po bën gjithë këtë punë dhe tani kemi ditët e medias. Kemi mundësinë që të diskutojmë me njeri-tjetrin për të qëndruar bashkë, për të bashkëpunuar. Cilat janë sfidat që kanë mbetur pa u trajtuar? Kur flasim për të gjithë procesin e negociatave është një fakt i bazuar tek meritat dhe ne bazohemi tek faktet dhe jo në thashetheme apo aludime. Vlerësimi ynë varet nga evidencat, provat dhe këto kanë rëndësi”.
“Ne duhet të keni synime tek viti 2018. Kemi diçka për të treguar, një histori të re, lidhur me progresin, ecurinë sa i takon kultivimit të drogës apo numrit të azil kërkuesit. Duhet të ndryshojnë disa deficite. Duhet të merremi me to dhe kjo na bashkon ne në përpjekjet tona të përbashkëta për të bërë progres. Do nxjerrim një raport në janar. Do ketë edhe një samit ë do të pritet nga presidenca bullgare. Kjo tregon qartë punën e BE për anëtarësimin. Kjo do jetë një dritare mundësisht dhe mund të punojmë për rezultate konkrete për të arritur rezultate të hapjen e negociatave. Nga procesi i vettingut, pres që rezultatet e para t’i shoh në fillim të vitit. Ekipi i ONM vijon punën, dhe i kam takuar. Për mendimin tim të gjitha këto janë në rrugën e duhur dhe do thosha se në vlerësimin tonë Shqipëria është në rrugëtimin e duhur dhe do thosha që aspirata europiane duhet të jetë një objektiv kombëtar që mbështet nga të gjitha forcat, nga të gjitha elementet, partitë politike, pra të gjithë”, tha Hahn.
“Në vlerësimin tonë Shqipëria është në rrugën e duhur. Aspirata evropiane duhet të jetë një objektiv kombëtar, duhet që të mbështetet nga të gjitha partitë politike dhe shoqëria civile. or as sa i përket objektivi kryesit, i gjithë vendi duhet të jetë i bashkuar pasi kjo është e rëndësishme. Qytetarët në Evropë të ndihen të siguruar, që i gjithë vendi të jetë për të ardhmen evropiane. Të gjithë partitë politike e duan këtë, por kjo duhet treguar”- vijoi më tej Hahn.
