Pas daljes së rezultatit të zgjedhjeve, kanë shpërthyer protestat në Bjellorusi.
Sipas të dhënave të para të bëra publike nga Komisioni Qendror i Zgjedhjeve, Presidenti në detyrë Alexander Lukashenko ka fituar 80,23% të votave, Svetlana Tikhanovskaya ka 9,90% dhe tre kandidatët e tjerë kanë më pak se 2% të votave, por opozita e ka kundërshtuar këtë rezultat.
Ndërkohë si pasojë e protestave të ashpra, një person ka ndërruar jetë, ndërsa janë arrestuar 200 të tjerë.
Polonia ka kërkuar një ndërhyrje europiane në Bjellorusi, ndërkohë që Presidenti rus Vladimir Putin e ka përshëndetur Lukashenkon për fitoren.
