Pas arritjes së marrëveshjes pas takimit kokë më kokë të Bashës dhe Ramës, ky i fundit nuk e ka ndryshuar axhendën e Partisë Socialiste. Rama ka njoftuar sot hapjen e fushatës së PS-së në orën 18:00 me anë të një postimi në Facebook.
“Ju uroj një ditë të mbarë me këtë foto të Bulevardit të ri të Tiranës më 2015 dhe sot. Ende ka shumë për të bërë për Tiranën që duam por shumë ka për të humbur nëse ndalemi sot. Prandaj do të jemi më shumë se kurrë më parë sot në 18:00 tek Piramida”, shkruan kryeministri.
Ende nuk është caktuar data e zgjedhjeve, ndërsa marrëveshja u arrit në orët e para të mëngjesit. Nuk dihen detaje për marrëveshjen në fjalë, por kreu i opozitës njoftoi që informacione të tjera do të jepen 24 orët në vijim.
