Pas arrestimit të ish-drejtorit të LSI-së Dashamir Xhika, prokuroria e Elbasanit ka lëshuar edhe 10 urdhër-arreste të tjera për skandalin e rrugës Tiranë-Elbasan.
Burime zyrtare nga policia bënë me dije se në pranga ka rënë edhe Andi Toma, ish drejtor i Përgjithshëm të Rrugëve, nga viti 2008-2013 (në kohën kur qeveriste PD), Rexhep Tarba (mbikëqyrësi i punimeve në rrugën e Gjinarit), Agron Hysa, Kujtim Hysa, ndërsa Rezarta Bokçiu është me ‘arrest shtëpie’.
11 urdhër-arreste janë ekzekutuar vetëm 6 prej tyre, ndërsa priten ende të tjera arrestime. Përveç masës së arrestit, policia ka ushtruar edhe kontrolle në banesë tek zyrtarët në fjalë.
Njoftimi i policisë
1) Andi Toma, Drejtor i Përgjithshëm i ARRSH-së (më parë DPRR) në periudhën 22.01.2008 – 07.10.2013,
– I dyshuar për kryerjen e veprës penale të “Shpërdorimit të detyrës” të parashikuar nga neni 248 i K.Penal.
– Kërkohet masa e sigurimit personal të “Arrestit në burg” të parashikuar nga neni 238 i K.Pr.Penale.
2) Dashamir Xhika, Drejtor i Përgjithshëm i ARRSH-së në periudhën Tetor 2013 – Shtator 2017,
– I dyshuar për kryerjen e veprës penale të “Shpërdorimit të detyrës” të parashikuar nga neni 248 i K.Penal.
– Kërkohet masa e sigurimit personal të “Arrestit në burg” të parashikuar nga neni 238 i K.P.rPenale.
Rasti i Elbasanit eshte procedimi penal Nr.740, date 11.04.2016, regjistruar për veprat penale “Vjedhja e kryer duke shpërdoruar detyrën” të parashikuar nga neni 135 i Kodit Penal, dhe “Shpërdorimi i detyrës”, të parashikuar nga neni 248 i Kodit Penal
