Ministria e Jashtme greke, ka njoftuar pak më parë se negociatat mes Turqisë dhe Greqisë do të rifillojnë më datë 25 janar.
Sipas burimeve diplomatike, disa orë më parë pala turke kontaktoi palën greke dhe propozoi që raundi i 61-të i kontakteve kërkimore të zhvillohej në Stamboll dhe pala greke pranoi ftesën, shkruan Protothema.
Ky takim i cili është dhe “raundi 61” do të zhvillohet në Stamboll dhe do të nisë dhe një tur negociatash mes dy vendeve që përherë, por sidomos kohët e fundit kanë pasur problematika serioze deri në konfrintime fizike në detin Egje.
Raundi i 60-të, i fundit nga bisedimet eksploruese të nisura midis dy vendeve në 2002, u mbajt në Athinë në 1 Mars 2016.
Pas kësaj date, negociatat dypalëshe vazhduan në formën e konsultimeve politike por nuk u kthyen në një kornizë eksploruese.
