Pas 19 ditësh izolim dhe tre testesh pozitive, Cristano Ronaldo ka arritur të fitojë betejën me Covid-19. Ekipi i Juventusit ka deklaruar përmes një postimi në rrjetet sociale, se Ronaldo është shëruar dhe do t’i bashkohet sërish skuadrës për stërvitje. Pas negativitetit me koronavirus të zyrtarizuar dje në mbrëmje nga një komunikatë e klubit të Juventusit, ylli portugez është rikthyer në qendrën stërvitore, dhe është gati për tu stërvitur me shokët e skuadrës.
Ai është parë me një automjet tip “Wolkswagen” të bardhë rreth orës 09:45. Gjatë qëndrimit në shtëpi, sulmuesi 35-vjeçar ishte asimptomatik dhe u stërvit në kushte shtëpie derisa tamponi i tij të rezultonte negativ, dhe për të qenë në gatishmërinë e trajnerit Pirlo që në sfidën ndaj Specias e cila do të zhvillohet nesër në orën 15:00.
