Aktori i njohur i humorit Florjan Binaj ka reaguar përmes një postimi në rrjetin social Facebook, lidhur me shkrimet që gjenden në muret e kalasë së vjetër të Himarës.
Në to gjenden shkrime si “Himara tokë greke”, “Kacifas i pavdekshëm” e shumë parulla të tjera raciste kundër shqiptarëve. Binaj i ka konsideruar shkrimet një turp të madh.
“Një turp i madh që në mes të sezonit turistik, askush nuk bën asgjë për të fshirë këto shkrime ofenduese si : Himara është Greqi dhe epir, në muret e kalasë së Himarës…Min e Turizmit si je? Nëse shkrime të tilla do bëheshin në Greqi do quhej incident diplomatik…kur bëhen në Shqipëri quhet sezon turistik…Turp”, shkruan Binaj.
