Partizani rrit presionin ndaj kryesuesve, Laçi përmbys Vllazninë në “Loro Boriçi”

Janë zhvilluar ditën e sotme dy sfidat e kategorisë Superiore të vlefshme për javën e 13, ku Lushnja është mposhtur nga Partizani me rezultatin e thellë 0-3 dhe Laçi ka përmbysur Vllazninë në Shkodër. Kjo fitore i ka çuar të kuqtë e Starovës në kuotën e 18 pikëve dhe i rikthen në një kërcënim serioz për ekipet kryesuese, ndërsa Lushnja mbetet e fundit me 5 pikë. Në sfidën tjetër kurbinasit mbajnë ritmin e Partizanit dhe e barazojnë në kuotën e 18 pikëve, ndërsa Vllaznia vazhdon të qëndrojnë në limitet e zonës së ftohtë.Partizani pas një pjese të parë ku u mbyll me pretendimin e një penalltie të padhënë, kthehet në të dytën për të shënuar tre gola. Kapiteni Batha ka shfrytëzuar maksimalisht një asist të Trashit nga goditja e këndit, duke dërguar topin në rrjetë. Vetëm pak minuta më pas, në të 73’, të kuqtë kanë dyfishuar shifrat, kësaj here me anë të Prognit, që ka realizuar me një gjuajtje nga jashtë zone. Goli që ka përmbyllur takimin duke i dhënë Partizanit një fitore të thellë edhe për moral, është regjistruar nga Trashi në minutën e 82’. Lushnjës nga ana tjetër sërish i vlen performanca e bukur në fushë pasi rezultati nuk ka qenë aspak në favorin e tyre.Laçi nuk mund të quhet më surprizë në Superiore, aq më tepër në transfertë ku nuk pëson humbje prej katër ndeshjes radhazi. Kurbinasit befasuan Vllazninë në “Loro Boriçi”, ku merituan fitoren e 5-të sezonale, duke përmbysur rezultatin nga 1-0 në 1-2. Vllaznia e nisi shumë mirë ndeshjen, teksa në minutën e 6-të pas një kundërsulmi të shpejtë, Gocaj krosoi në zonë për Hasanin, i cili goditi fluturimthi, me topin që shkundi rrjetën. Kuqeblutë gabojnë në fundit e pjesës së parë, kur Sherri shkakton 11-metërsh ndaj Uzunit. Nga pika e bardhë Reginaldo barazon shifrat 1-1. Gjatë pjesës së dytë Vllania provoi gjithçka për të gjetur golin e fitores, por rrezikoi të kapej në befasi dhe në një rast të tillë në minutat e fundit, pësoi edhe golin e dytë, që mban firmën e Lushkjes, që kishte vetëm pak minuta në lojë.