Partizani ka larguar Klevis Dalipin nga drejtimi i klubit dhe ka zyrtarizuar emrin e ri që do ti udhëheqë në Europa League. U përfol shumë se do të ishte një emër i huaj për pankinën e të kuqve por nuk është kështu, kjo detyrë do ti besohet Skënder Gegës, një emër i lidhur ngushte me “Të Kuqtë”.
Gega ka një karrierë të mirë si trajnerë, duke filluar nga SHBA e më pas me përfaqësuesen e 21-vjeçarëve, për të kaluar në Kuvajt me AL Jahran. 54-vjeçari në karrierën e tij si futbollist ka qenë një ndër futbollistët më të admiruar nga tizozët e “demave” dhe jo vetëm. Ko do të jetë përvoja e parë e tij në futbollin shqiptarë duke e nisur në një moment mjaft delikat dhe para një sfide të madhe si Europa League.
Gega kudo ka trajnuar ka preferuar një skemë klasike si 4-4-2 dhe pritet që me Partizanin të mos e ndryshojë. Por që ta arrijë do ti duhet një merkato e shpejtë për tu furnizuar dhe me dy-tre lojtarë në repartin e sulmit, një sulmues pykë dhe një të dytë, që mund ti besohet sërish Bardhit.
Skënder Gega është një njeri me integritet të lartë, pretendon shumë nga lojtarët e tij dhe kerkon disiplinë absolute, duke e konsideruar këtë të fundit si thelbin e një skuadre të fortë dhe fituese. Nëse metodologjia është e duhura për të rikthyer titullin që mungon nga viti 1993, këtë do e vërtetojë vetëm koha.
