Vllaznia merr goditjen e fundit nga Partizani dhe duket se do të jenë shkodranët që do të shoqërojnë Lushnjën në Kategorinë e Parë. Të Kuqtë e Dalipit zhvillojnë një ndeshje mjaft të mirë, duke fituar me rezultatin e pastër 2-0 në “Selman Stërmasi” për të arritur objektivin e tyre Europë. Shkodranët u shfaqën sërish të dorëzuar dhe pa aspak grintë e ide, duke mos arritur të rrezikojnë portën e Alban Hoxhës, ndërsa pësuan edhe dy gola naivë për një mbrojtje me eksperiencë në Superiore.
Nuk pati fitues në sfidën për vendin e dytë, mes Kukësit dhe Luftëtarit, pasi dy skuadrat u ndanë në barazimin 2-0. Irakli Dzaria shënoi dy herë për vendasit në pjesën e parë, por gjirokastritët reaguan në pjesën e dytë, duke barazuar me golat e Lamçes dhe Ferreirës. Laçi nuk diskutoi 3 pikët në sfidën ndaj Lushnjës, të cilën e fitoi 3-1 falë golit të Shtubinës dhe dopietës së Reginaldos, duke vijuar presingun për vendin e 4-t të renditjes.
Skënderbeu i pamotivuar ka pësuar një humbje 3-1 ndaj Teutës brenda në shtëpi dhe durrsakët thuajse e kanë siguruar qëndrimin falë golave të Shkallës, Cyrbja dhe Amadu edhe për një vit tashmë pasi kanë një diferencë prej pesë pikësh me dy ndeshje të mbetura. E njëjta situatë është edhe për Kamzën, e cila ka mposhtur Flamurtarin me rezultatin e ngushtë 1-0 me golin e vetëm të takimit të shënuar nga Sabino Plaku.
Kur kanë mbetur edhe dy javë nga fundi, tashmë lufta e fortë do të bëhet për Europën, mes Luftëtarit, Partizanit dhe laçit, ndërsa mbijetesa me shumë gjasa u vendos sot me dështimin e Vllaznisë.
