Në Beograd po bëhen përgatitjet për sfidën mes Partizanit të Beogradit dhe Skënderbeut, me shumë interes nga tifozeria vendase. Lojtarët, stafi dhe trajneri i Partizanit, Djukiç, kanë gjetur një mënyrë mjaft interesante për të përcjellë mesazhin se si duhet të sillen tifozët në këtë ndeshje. Duke pasur parasysh se çfarë ndodhi në ndeshjen Shqipëri-Serbi, ata dua që të evitojnë çdo incident të tillë. Në biletarinë ku janë duke u shitur biletat, ata janë shfaqur për të marrë një biletë me kartat e tyre të identitetit dhe kanë takuar tifozët duke u treguar se sa ngrohtë u pritën në “Elbasan Arena” dhe se nuk u provokuan apo nuk u sulmuan në asnjë çast nga tifozeria vendase. Këtë mesazh krerët e Partizanit të Beogradit duan ta përcjellin edhe në pritjen që do ti bëjnë Skënderbeut në ndeshjen e kthimit.
