Pas dy ditësh diskutime, parlamenti grek ka aprovuar më shumicë votash projektligjin me anë të të cilit, Greqia zgjeron ujërat e saj territoriale nga 6 ne 12 milje detare në detin Jon.
“Për herë të parë Greqia rritet me më shumë se 10% jo me pushtim, apo në dëm të shteteve të tjera , por në bazë të së drejtës ndërkombëtare”, ka deklaruar kryeministri Mitsotakis, ku i është referuar edhe deklaratës se homologut të tij shqiptar se ishte e drejta legjitime e Athinës ta kryente këtë proces, ashtu sic e ka kryer edhe Shqipëria para 30 vitesh.
Sipas kreut të qeverisë greke, votimi ka ardhur si rezultat i një sërë lëvizjesh të rëndësishme diplomatike dhe strategjike që ka bërë Greqia.
Ndër të tjera, Mitsotakis u shpreh se ligji qe zgjeron zonën ku ushtron sovranitetin e saj Greqia, do të zbatohet më vonë edhe në jug dhe lindje të Kretës.
