Në postimet e ish-kryeministrit Berisha vihet re një prezencë e shtuar e qytetarëve, të cilët kërkojnë që ai të marë në dorë fatet e demokratëve, pasi PD po shkon drejt humnerës. Ka nga ata të cilët nuk kursejnë fyerjet ndaj kreut demokrat, duke e cilësuar si një njeri të paaftë, e që nuk menaxhon dot këtë forcë.
Por këtë herë, komentuesit kanë shpërthyer ndaj ish-kryeministrit, pas një mesazhi të një qytetari, i cili denonconte parcelat me drogë.
Si rrallë ndonjëherë, ata kanë shpërthyer me një lum akuzash ndaj tij, madje edhe e kritikojnë. Ende nuk e dimë nëse ish-kryeministri Berisha i ka parë apo jo këto mesazhe, apo ka zgjedhur rrugën e heshtjes.
Me anë të fotove, qytetari tregon se hashashi po pushton Shqipërinë. Por ky detaj ka ngacmuar ndjekësit e shumtë që ka në profilin e tij zyrtar në Facebook. Një nga komentuesit i thotë se i ka ardhur fundi, e një tjetër e këshillon që ti kontrollojë postimet, para se ai ti bëjë publike.
