Parashikimi për Vllaznia-Laçi, FSHF thirrje Xhelal Mziut: Je i ftuar të…

Pas deklaratës së kryetarit të Bashkisë Kamëz, i cili parashikoi rezultatin e saktë të ndeshjes, Vllaznia-Laçi dhe ftoi të gjithë njerëzit që të luanin baste, ka reaguar edhe FSHF.
Në një deklaratë në faqen zyrtare, organi më i lartë i futbollit në vend, ka ftuar kreybashkiakun, që të sjellë pranë FSHF-së, çdo informacion që disponon. FSHF i ka dërguar sot zyrtarisht një kërkesë për bashkëpunim Mziut. “Panorama Sport” mëson se çështja e kryebashkiakut të Kamzës, nuk do të kalojë në Komision e Etikës.
NJOFTIMI I FSHF-së:
“Federata Shqiptare e Futbollit fton Kryetarin e Bashkisë së Kamzës, z.Xhelal Mziu për të sjellë pranë FSHF-së çdo informacion që ai disponon në lidhje me dy ndeshjet e Kategorisë Superiore, për të cilat ai është shprehur në media për përfundimin e tyre. FSHF i ka dërguar sot zyrtarisht z.Mziu kërkesën për bashkëpunim, për të ndarë çdo informacion që ai disponon në lidhje me ndeshjet për të cilat është shprehur. FSHF mbetet e hapur për bashkëpunim në ruajtje të integritetit të garës”.