Paraditja mbetet me vranësira e reshje të pakta shiu e dëbore në qendër-veri, por kthjellime të shkurtra e vranësira të shpeshta do të ketë në jug të vendit.
Mesdita fuqizon reshjet thuajse në të gjithë territorin, por gjatë pasdites reshjet zhvendosen në qendër dhe kryesisht në jug. Orët e natës sjellin kthjellime në të gjithë vendin.
Sipas Meteoalb, temperaturat e ajrit rriten lehtë në mëngjes dhe mesditë duke bërë që ekstremumet të luhaten nga 1 në 16 gradë.
Era do të fryjë mesatare dhe shpeshherë e fortë, me shpejtësi 65 km/h nga veriperëndimi, duke krijuar në det të hapur dallgëzim 4-5 ballë.
