Pas disa ditësh me vranësira të dendura dhe reshje shiu, herë në formë rrebeshi duket se dielli do të rikthehet më në fund. Sipas asaj që parashikon IGJEUM, ditën e mërkurë do ketë reshje të pakta në zona të izoluara dhe pjesa më e madhe e ditës do të jetë me diell.
Reshjet
Sot priten reshje të dobëta në të gjithë vendin, siç tregohet në tabelë, respektivisht për secilin qark.
Ekziston mundësia që në zona të kufizuara reshjet të jenë në formë shtrëngate me rrufe dhe breshër, më të mundshme në zonat malore dhe ato pranë tyre gjatë pasditeve.
Temperaturat
Të mërkurën temperaturat minimale dhe maksimale të ajrit pritet të arrijnë:
në bregdet: 16 / 23 °C
në vendet e ulëta: 15 / 24 °C
në vendet malore: 9 / 19 °C
Era
Të mërkurën era do të fryjë e lehtë deri mesatare, ndërsa në bregdet për momente të shkurtra deri e fortë.
