Xhenierët e Forcave të Armatosura kanë larguar 74 predha të kalibrit 150 mm, secila me peshë rreth 50 kg, nga zona e banuara në Manati të Lezhës.
Ministrja e Mbrojtjes, Olta Xhaçka ka shpërndarë në profilin e saj në “Facebook”, nje video nga aksioni i fundit i Forcave te Armatosura. Predhat janë transportuar me mjete të posaçme në një poligon, ku edhe pritet të asgjësohen, ndërsa dyshohet se janë të Luftës së Dytë Botërore.
“Forcat e Armatosura parandaluan një tragjedi në Manati të Lezhës. Xhenierët tanë larguan nga zona e banuar 74 predha të kalibrit 150 mm, secila me peshë rreth 50 kg, sipas vlerësimeve paraprake, të Luftës së Dytë Botërore.
Arsenali i predhave u zhvendos për t’u asgjësuar në një poligon të posaçëm, ndërkohë që, prej fillimit të vitit, xhenierët e FA kanë kryer 75 operacione në të gjithë vendin, duke asgjësuar rreth 16 ton municione të rrezikshme”, shkruan Xhaçka krahas videos së operacionit.
https://www.facebook.com/xhackaolta/videos/1156023324604662/?t=0
