Presidenti i Tuqisë, Rexhep Tayyip Erdogan paralajmëroi se nëse forcat kurde në Siri nuk do të tërhiqen nga “zona e sigurt”, Ankaraja do të rifillojë sërish sulmet.
Turqia, me këmbënguljen e SHBA-së, u dakordësuan ditën e djeshme për të ndërprerë ofensivën, derisa luftëtarët kurdë të tërhiqen rreth 30 kilometra larg kufirit të saj.
“Nëse premtimet mbahen deri të martën mbrëma, zona e sigurt do të zgjidhet. Nëse dështojnë, operacioni do të rinisë sapo të bëhen 120 orë”, deklaroi Erdogan.
Po ashtu, lideri i Turqisë theksoi se forcat e armatosura do të qëndrojnë në rajon, pasi “siguria e kërkon një gjë të tillë”.
Nga ana tjetër, grupi që monitoron luftën në veri të Sirisë, Vëzhguesi Sirian i të Drejtave të Njeriut, deklaroi se sulmet ajrore të Turqisë kanë vazhduar edhe të premten në fshatin Bab al-Kheir, ku 14 civilë humbën jetën.
