Presidenti i Shteteve të Bashkuara, Donald Trump tha të dielën se ishte “një shprehje e rëndësishme dhe shumë pozitive” fakti që Koreja e Veriut organizoi paradën e fundit ushtarake pa përfshirjen e zakontë të armëve bërthamore.
Udhëheqësi amerikan, që po përpiqet të detyrojë udhëheqësin e Koresë së Veriut Kim Jong Un të braktisë arsenalin bërthamor të vendit të tij, tha në Twitter, “Faleminderit Kryetari Kim”, pas paradës së Phenianit që feston 70-vjetorin e themelimit të vendit, ku nuk u përfshinë raketat balistike ndërkontinentale.
“Ne të dy do t’u tregojmë të gjithëve se e kishin gabim!” tha Trump rreth negociatave të ngecura rreth çnuklearizimit të gadishullit Korean. “Nuk ka gjë më të mirë se sa dialogu i mirë mes dy njerëzve që pëlqejnë njëri-tjetrin! Më mirë nga koha para se të merrja detyrën”.
…its commitment to denuclearize.” @FoxNews This is a big and very positive statement from North Korea. Thank you To Chairman Kim. We will both prove everyone wrong! There is nothing like good dialogue from two people that like each other! Much better than before I took office.
Trump, duke cituar komentet e rrjetit të tij të preferuar mediatik Fox News, tha se “Ekspertët besojnë se Koreja e Veriut nuk përfshiu raketat bërthamore për t’i treguar presidentit Trump angazhimin e saj për çnuklearizm”.
North Korea has just staged their parade, celebrating 70th anniversary of founding, without the customary display of nuclear missiles. Theme was peace and economic development. “Experts believe that North Korea cut out the nuclear missiles to show President Trump……
Parada ushtarake u mbajt në një kohë veçanërisht delikate për Korenë e Veriut. Veriu po përpiqet të lehtësojë tensionet me Shtetet e Bashkuara, pas samitit të qershorit midis Donald Trump dhe Kim Jong Un në Singapor.
