Trajneri i kombëtares shqiptare, Christian Panucci ka sjellë tek kuqezinjtë dy mjekë të rinj. Bëhet fjalë për Biaxho e Lorenco Moreti, babë e bir, të dy ekspertë ortopedikë në dëmtimet e sportistëve.
Ata kanë qenë të punësuar te ekipi i Barit, dhe e kishin mbyllur bashkëpunimin me ta vetëm pak para se skuadra të shpallte falimentin. Punësimin në radhët e përfaqësueses shqiptare të dy ekspertëve e konfirmojnë mediat pranë klubit të Barit.
Biaxho Moreti është profesor i katedrës së traumatologjisë ortopedike dhe kreu i klinikës ortopedike të Poliklinikës së Barit, ndërsa i biri, Lorenco Moreti, është një drejtues i nivelit të parë mjekësor përgjegjës për klinikën e traumatologjisë sportive.
