Shqipëria fiton testin e parë miqësorë nën drejtimin e Panuccit dhe e bën ndaj një kundërshtari të fortë si Turqia. Ku iu deshën të shënonin tre gola për të fituar ndeshjen. Trajneri italian është shprehur i kënaqur për fitoren dhe nuk e ka cilësuar si miqësore, por një ndeshje të vërtetë përderisa po luan kombëtarja. Këtë fitore ai e cilëson si fryt të punës dhe angazhimit që kanë dhenë djemtë në javën që kishin në dispozicion për ta përgatitur ndeshjen.
Për ndeshjen
“Ishte një ndeshje shumë e vërtetë. Kemi luajtur deri në momentin e fundit. Ishte fruti i një punë dhe i angazhimit gjatë gjithë javës. Nuk ka miqësore në ekipin kombëtar. Skuadra përfaqësuese shkon përtej këtyre ndeshjeve. Duhet të punojmë mw shumw nw mbrojtje. Kemi pësuar dy gola të evitueshëm. Por edhe ata kanë lojtarë cilësorë. Nuk i lejoj asnjë futbollisti të kaloj në konfrontime të tilla, aq më tepër me arbitrin, ndaj u nxeha me Memushajn.”
Prurjet e reja
“Jam i kënaqur me prezantimin e tyre. Janë pjesë e ekipit kombëtar për të përgatitur një grup të plotë për kualifikueset e Europianit.”
Çfarë presim në vitin 2018?
“Nuk bëhet fjalë për një fitore. Kemi bërë një futboll shumë të mirë. Jemi detyruar të vuajmë pjesën e dytë. Mënyra sesi si arritëm fitoren është më e rëndësishëm se fitorja. Jam shumë i lumtur, për mënyrën sesi djemtë po e perceptojnë atë që unë dua. Do të vijojmë me qetësi dhe seriozitet. Një diçka që dua të them është që nuk di sa vite kishte pa fituar Shqipëria me Turqinë.”
