Panucci ka vendosur që të mendojë për të ardhmen dhe si pasojë la jashtë kombëtares kapitenin, Ansi Agolli. Por eksperimenti i teknikut italian dështoi në përballjen miqësore me Norvegjinë, ku pavarësisht se u mposht edhe loja që treguan lojtarët në fushë linte shumë për të dëshiruar.
Ndërkohë që Panucci mendon se Agolli është në një moshë të madhe, 35-vjeçare, kapiteni po vazhdon të shkëlqejë tek ekipi i Qarabagut duke luajtur në nivele mjaft të larta. Kapiteni kuqezi dhuroi asistin për golin e vetëm të shënuar nga Riçard në minutën e 57-t kundër Keshla. Pavarësisht se takimi përfundoi me shifrat 1-1, ky episod vërtetoi edhe një herë se mosha është një numër për Agollin.
