Momente paniku në ndeshjen e tretë të kampionatit europian ”EURO 2020”. Ndeshja midis Danimarkës dhe Finlandës është ndërprerë në minutën e 43-të, për shkak se futbollisti danez, Kristian Eriksen ka humbur ndjenjat.
Futbollisti i Interit, u mundua të kontrollonte topin me kokë, por është rrëzuar keq në fushën e blertë.
Mjekët e ekipit të Danimarkës kanë ndërhyrë menjëherë, duke i bërë masazh kardiak mesfushorit. Ndeshja midis Danimarkës dhe Finlandës, është e vlefshme për grupin B, ku bëjnë pjesë edhe Belgjika me Rusinë.
