Presidenti serb, Aleksandar Vucic, ka urdhëruar ndërtimin e një ambienti gjigand të përshtatur si spital, për të shtruar pacientët e infektuar me koronavirus.
Mediat lokale raportojnë se ushtria serbe ka përfunduar përshtatjen e sallës më të madhe të Panairit të Beogradit, në një spital të paracaktuar me 3000 shtretër.
Salla do të përdoret për pritjen e qytetarëve me simptomat e COVID-19, dhe duhet të jetë plotësisht funksionale në ditët e ardhshme.
Më herët, Kina ndihmoi Serbinë me teste për të infektuarit nga koronavirusi. Në Serbi është dërguar një avion privat me 1 mijë kite testuese. Këto teste do të ndihmojnë autoritetet shëndetësore në Serbi, që të testojnë sa më shumë raste me Covid-19. Kujtojmë këtu se presidenti i Serbisë iu drejtua Kinës për ndihmë, pasi BE nuk ia “shtriu” dorën.
