Rreth 31.3 milionë euro është totali i investimeve direkte të mbërritura në Shqipëri nga Ishujt Kajman dhe Ishujt Virxhin, të dy shtete të njohura si parajsa fiskale. Shirat i referohen tremujorit të parë të këtij viti.
Sipas treguesve zyrtarë të Bankës së Shqipërisë, 29.6 milionë euro janë investuar nga Ishujt Kajman, ndërsa rreth 1.6 milionë euro nga ishujt Virxhin të Britanisë.
Skandali i shpërthyer vitin e shkuar mbi parajsat fiskale, i njohur si “Panama Papers”, zbardhi 25 persona dhe 2 kompani nga Shqipëria të regjistruara në shtete offshore.
Nga investigimi mbarëbotëror që përfshiu krerë shtetesh e kompani prestigjioze, rezultoi se 3 persona kane qenë përfitues të ardhurash nga kompanitë fiktive në Shqipëri. Po ashtu, 22 persona të tjerë janë pjesë e ishin pjesë e këtyre kompanive, raporton Scan.
Ndërkohë që volumi i investimeve nga parajsat fiskale është shumë më i madh. Në të dhënat e saj zyrtare Banka e Shqipërisë nuk tregon për arsye konfidencialiteti origjinën e më shumë se 94 milionë eurove të investuara në Shqipëri.
