Historiani Arben Llalla, ka publikuar kopertinën e librit të pedagogut të greqishtes në Universitetin “Eqerem Çabej” të Gjirokastrës, Panajot Barka. Sipas historianit, libri më fjalë nxit urrjejtje etnike dhe fetare mes grekëve dhe shqiptarëve, ndërsa hidhen hije dyshimi mbi identitetin e shqiptarëve.
Po sipas Llallës, autori Barka tenton të hedhë hije dyshimi mbi identitetin e shqiptarëve, origjinën e tyre si racë e përzier me arabët, si dhe dyshime mbi origjinën e Skënderbeut dhe flamurit kombëtar të shqiptarëve.
Panajot Barka tenton të mohojë çdo gjë të shqiptarëve, deri në akuzë se shqiptarët janë ardhacakë që kanë ardhur me osmanët në Ballkan, dhe islamizuan grekofonët në Epir. Libri i Barkës bie ndesh me Kushtetutën e Shqipërisë.
