Ka marrë fund arratia e të riut nga Delvina, i cili u largua sot nga tualeti i Gjykatës së Gjirokastrës.
24-vjeçari Saimir Ahmeti ka kërkuar të shkojë në tualet, prej nga ku ka përfituar që të arratiset. Por, brenda dy orësh Ahmeti u gjet në bodrumin e një hoteli pranë kalasë, në gjendje jo të mirë shëndetësore.
I riu ka pësuar pësuar shembje në trup gjatë momentit të arratisjes, ndërsa pas gjetjes nga policia, është marrë me ambulancë dhe është nisur drejt spitalit, ku do të marrë mjekime dhe më pas do shkojë në burg.
Report TV ka publikuar momentin e kapjes nga policia të të arratisurit nga Gjykata e Gjirokastrës:
Ndërkohë, i ati i të riut, Thoma Ahmeti ka folur për Report Tv pas arrestimit të të birit, ku kërkoi drejtësisë të veprojë, duke kërcënuar se do të shkojë deri te Presidenti. Sipas tij, djali është i pafajshëm, dhe se ka qenë vjehrra e tij që i ka ngritur kurth.
“Ishte i martuar, më 2 janar u nda. Pas disa ditësh i dërgon mesazh “Hajde se nuk jetoj dot pa ty”. Djali doli të takonte gruan e tij dhe ata i bënë kurth, e ëma e vajzës me gjithë vajzën, gjoja se ai po e përndiqte. Një ngjarje e organizuar, gënjeshtër”, tha ai.
Prej sa vitesh njiheshin?
Kishin tetë muaj të martuar. Nëse ka drejtësi në këtë vend, le të vendosë. Djali im nuk ka asnjë faj. Ndryshe unë do të shkoj deri te Presidenti.
