12 efektivë të Policisë së Tiranës kanë mbetur të plagosur këtë të enjte. Ata u përplasën me banorët që preken nga ndërtimi i Unazës së Re, në një protestë të zhvilluar para Kuvendit.
Në tentativë për të çarë kordonin policor, banorët u përplasën me policinë ndërsa nuk mungoi hedhja e sendeve të forta, shashkave e tymueseve. Policia thotë se 2 prej efektivëve kanë marrë dëmtime më të rënda. Njërës prej tyre kapsolla i ka prerë gishtat e dorës.
Në pamjet video ju keni mundësi të shikoni reagimin drithërues të efektives së lënduar rëndë.
Asaj i kanë ardhur në ndihmë dy kolegë të cilët i hedhin ujë në kokë për ta sjellë në vetëdije. Lëndimi që ajo ka pësuar është vërtet i rëndë dhe reagimi i saj është rrëqethës./TIRANA TODAY/
