Agjencia e Bashkimit Evropian për Sundim të Ligjit (EUROPOL) ka bërë publike videon e mega-operacionit që çoi në arrestimin e 30 personave nga 10 vende të ndryshme të botës.
Dhjetë prej të arrestuarve 10 janë shqiptarë, me kokën e grupit që ndodhet në burg në Ekuador, Dritan Rexhepin.
EUROPOL e ka cilësuar rrjetin e trafikut të kokainës si një model biznesi të sofistikuar.
“Për vite me radhë, importuesit ndërkombëtarë të kokainës punuan veçmas nga shitësit me shumicë dhe bandat që shpërndanin drogën në rrugë. Në këtë rast, rrjeti shqipfolës nën hetim hodhi poshtë të gjithë modelin dhe kontrolloi të gjithë zinxhirin e dërgesave të mëdha direkt nga Amerika e Jugut deri te shpërndarja në të gjithë Evropën.
Duke përdorur mjete të sofistikuara të koduara të komunikimit, kreu i organizatës – një shqiptar 40-vjeçar me qendër në Ekuador (Dritan Rexhepi) negocioi drejtpërdrejt me kartelet e drogës në Amerikën e Jugut, organizoi dërgesat e mëdha të kokainës në portet kryesore të Evropës dhe me ndihmën e bashkëpunëtorëve të vendosur në Itali, Holandë dhe Shqipëri, organizuan shpërndarjen në të gjithë Evropën. Kokaina ishte fshehur në automjete të pajisura me ndarje të sofistikuara” shkruan EUROPOL.
Grupi përdori një sistem informal dërgesash “fei ch’ien”, për të pastruar paratë e aktiviteteve kriminale. Rrjeti besohet të ketë pastruar miliona euro përmes këtij sistemi
