Të tjera detaje kanë dalë për ngjarjen e raportuar pak më herët, ku një ushtar tajlandez vrau 12 persona të rrugë dhe në një qendër tregtare. Ngjarje e ndodhur në Muang të Tailandës.
Mësohet se viktima e parë e ushtarit ka qenë komandanti i tij. Pasi është siguruar se komandanti ka vdekur ai ka vrarë dy ushtarë të tjerë që ishin në një makinë ushtarake të tipit Humvee. Më pas ka vrapuar drejt zonës së populluar ku ndodhej qendra tregtare.
Sapo ka hyrë në qendrën tregtare, ai ka nxjerrë armën dhe ka filluar të qëllojë me breshëri në drejtim të njerëzve duke lënë shumë dhjetëra të vrarë dhe të plagosur. Çmenduria e tij arriti kulmin, kur u mësua se të gjithë ngjarjen ai po e jepte live në facebookun e tij personal. Madje, në një nga fotot e postuara gjatë ngjarjes ai shkruan se ndihet i lodhur.
