Avioni ukrainas nuk është rrëzuar për shkak të defekteve të motorit, por është qëlluar nga raketat iraniane. Ky është përfundimi që është arritur nga inteligjenca e vendeve si Kanadaja dhe SHBa-ja. Ata janë shprehur se kanë prova.
Më herët pas ngjarjes Irani refuzoi që të dorëzonte “Kutitë e Zeza” të cilat përmbajnë informacione për të zbardhur ngjarjen.
Dyshimet u shtuan dhe më shumë pas dëshmive të shumta okulare, të cilët kanë përshkruar që avioni ishte në flakë përpara se të rrëzohej në tokë. Kjo ka bërë që Ukraina të ndryshojë qëndrim dhe të ngrejë dyshime që avioni është goditur me raketa.
Një shpërthim i vogël ndodhi kur raketa goditi por avioni nuk shpërtheu. Ai vazhdoi të fluturonte për disa minuta dhe u kthye përsëri drejt aeroportit ndërsa u përfshi me flakë para se të shpërthente dhe të rrëzohej shpejt. Gjithashtu, një pjesë e mediave botërore ka ngritur akuza se Irani po shkatërron vendin e ngjarjes duke përdorur buldozerë.
