Një tragjedi ka përfshirë Brazilin, pasi ka shpërthyer një digë dhe raportohet se kanë mbetur të vdekur 412 persona. Ky shpërthim ka shkatërruar dhjetëra shtëpi dhe mbulon një zonë të madhe me llumin e trashë të mbetjeve të minierave. Dokumenti liston 412 emra, të cilët nuk kanë qenë në gjendje të kontaktojnë dhe mund të jenë viktima të rrëshqitjes. Brigada e zjarrit vlerësoi se 300-350 njerëz kanë humbur.
Presidenti i Brazilit, Jair Bolsonaro, vizitoi Minas Gerais dhe fluturoi mbi zonën e fatkeqësisë të shtunën, pasi dërgoi tre ministra të premten. Guvernatori i shtetit, Romeu Zema, tha të premten se nuk priste shumë të mbijetuar. “Ne e dimë tani se shanset për të pasur të mbijetuarit janë minimale dhe se duhet të punojmë për gjetjen e trupave”, tha ai.
Televizionet braziliane treguan imazhet e të mbijetuarve duke u shpëtuar nga një helikopter pas fatkeqësisë në minierën Feijão pranë Brumadinho, më pak se dy orë nga Belo Horizonte. Ndërsa videot dhe fotografitë e shkatërrimit të shkaktuar nga rryma e baltës u shfaqën në mediat sociale, brazilianët e tërbuar kërkuan dënim për cilindo që ishte përgjegjës.
Incidenti vjen më pak se katër vjet pasi një digë tjetër e mbeturinave u rrëzua në Minas Gerais, duke vrarë 19 njerëz në atë që ishte fatkeqësia më e madhe mjedisore e Brazilit. Kjo digë ishte operuar nga Samarki, i cili në kohën e katastrofës ishte në pronësi të përbashkët të Vale dhe firmës anglo-australiane të minierave BHP Billiton. Vale është firma që ka në pronësi edhe digën e grumbullimit që shpëtheu dhe mori jetën e 412 punëtorëve.
Shefi ekzekutiv i Vale, Fabio Schvartsman, tha të premten se një digë që përmban mbetjet e “xehes hekuri”, të njohura si mbeturina, kishte shpërthyer. Ministria e mjedisit e Brazilit kishte thënë më parë se tre diga ishin përfshirë në këtë fatkeqësi.
“Shumica e të prekurve ishin punonjës të Vale”, tha ai. “Jam shumë i prekur plotësisht nga ajo që ndodhi”.
