Në Shqipëri janë të pafundme rastet kur shoferët abuzojnë, aq sa vënë edhe jetën e tyre në rrezik.
Policia Rrugore ka demostruar përmes pamjeve, rastin e një 58-vjeçari nga Kavaja, i cili qarkullonte me automjet në rrugën interurbane Kavajë-Lushnje në sens të kundërt.
Policia e ka ndëshkuar drejtuesin e mjetit, duke e dërguar në OASH, ( 2 vjet pezullim leje drejtimi, dhe 10.000 lekë gjobë).
“Qarkulloi me automjet në sens të kundërt në rrugën interurbane, kapet dhe ndëshkohet nga Policia Rrugore.
Policia Rrugore ndëshkon 58-vjeçarin A. M., nga Kavaja, i cili qarkullonte me automjet në rrugën interurbane Kavajë-Lushnje, në sens të kundërt.
Pamjet flasin vetë, s’kanë nevojë për koment, papërgjegjshmëri që vret jetën.
Policia Rrugore e ndëshkoi drejtuesin e mjetit, duke e dërguar në OASH, ( 2 vjet pezullim leje drejtimi, dhe 10.000 lekë gjobë).
Policia e Shtetit falenderon median dhe qytetarët që të denoncojnë çdo shkelje të qarkullimit rrugor, duke kontribuuar në rritjen e parametrave të sigurisë së jetës në rrugë”.
