Prishja e një shkalle elektrike të lëvizshme në një stacion metroje në Romë për pak sa nuk u kthye në tragjedi. Vetëm pak minuta para ndeshjes së Champions League mes CSKA-së së Moskës dhe Romës, ngjarja ndodhi pranë sheshit Republika, të Romës, ku tifozët rusë po zbrisnin në një shkallë lëvizëse, por provokuan prishjen dhe rënien e saj.
Dhjetëra tifozë rusë kanë mbetur të dëmtuar, disa prej të cilëve janë shoqëruar për të marrë ndihmë në parë në spital, ndërsa në vendngjarje kanë mbërritur menjëherë forca të shumta policie.
Incidenti ndodhi ndërsa në platformën e trenit kishte rreth 40 tifozë të tjerë dhe shumë ishin jashtë stacionit. Zjarrfikësit, policia dhe ekipet e emergjencës vepruan në vend.
