Nënkryetari i PD, Edi Paloka, i ftuar në “Natë me Xhaxhiun” , deklaroi se kjo forcë nuk mund të zhvillojë zgjedhje lokale me Ramën kryeministër. Për PD, tha ai, synimi kryesor është largimi i Ramës nga qeverisja.
“Synimi ynë është largimi i Ramës. Sepse është e kotë të diskutojmë dhe për zgjedhjet lokale. Nuk do të ketë zgjedhje lokale me Edi Ramën kryeministër. Ne synojmë që të bëjmë të dyja zgjedhjet njëkohësisht, edhe lokale edhe parlamentare. Ne do ta largojmë këtë njeri me forcë, me dhunë, ku kuptojmë, kundër dëshirës së tij dhe kjo duket rruga e vetme sot”, u shpreh Paloka.
Sa i takon protestës së studentëve dhe qëndrimit të Ramës, Paloka e cilësoi veçse një arrogant. Në vazhdën e akuzave, Paloka e cilësoi Ramën si një kryeministër frikacak, pasi më i dobëti bën arrogantin.
“Mandati nuk është sot çështja më e rëndësishme. Nuk e kam menduar, ma kanë kujtuar mediat. Skadimi i mandateve nuk më shqetëson. Arroganca është tipar i Ramës. Por po duket që situata e keqe ku është sot, po bën dhe më arrogant por edhe zbythjet i ka më të shpeshta.
Është frikacak si njeri, dhe jo vetëm si kryeministër. Ai me të dobëti bën arrogantin, dhe kur sheh që njerzit i nënshtrohen bëhet dhe më i keq. Rama ka tiparin e frikacakut. Eshtë gati të të shkelë me këmbë, në momentin që i nënshtrohen. Ditën e parë ju tha ngelësa studentëve. Ndërkohë tani ka dy ditë që po përdridhet në video selfie, si ato la*iret plaka që duan të joshin djem të ri”, tha Paloka.
