Gazeta greke “Kathimerini” i kushton sot një artikull marrëveshjes Athinë-Tiranë, që pritet të finalizohet shumë shpejt.
“Athina pranë marrëveshjes me Shqipërinë” titullohet artikulli dhe në të numërohen pikat për të cilat Athina zyrtare është kategorike, duke specifikuar se “Në praktikë, “gjembi” ka të bëjë me EEZ (marrëveshja për detin), gjë që e mban Athinën hezitues të heqë ligjin e luftës”.
Shkrimi në Kathimerini
Për të zgjidhur mosmarrëveshjet e tyre dypalëshe, Greqia dhe Shqipëria po shohin drejt 24 orëve të ardhshme (nëse është e mundur përpara mbledhjes së Këshillit të Ministrave të Jashtëm të BE-së më 25 qershor).
Nga Athina kundërshtohet kategorikisht se ka ndonjë referencë ndaj pretendimeve shqiptare për rastet e pazgjidhura të çamëve, pavarësisht nga fakti se kjo çështje krijon zhurmë në skenën politike të Shqipërisë. Çështjet e pazgjidhura përfshijnë EEZ (Zonën ekonomike ekskluzive), heqjen e ligjit të luftës midis Athinës dhe Tiranës, ruajtjen e të drejtave të pakicës etnike greke në Shqipëri dhe ndryshimet në librat shkollorë.
Deri më sot, shumica e marrëveshjeve Tiranë-Athinë kanë qenë të njohura. Me pak fjalë, zhvarrimi i eshtrave të ushtarëve grekë që kanë vdekur gjatë Luftës greko-italiane në vitet 1940-41 tashmë ka filluar, ashtu dhe çështje që kanë të bëjnë me shtetasit shqiptarë që jetojnë në Greqi, siç është heqja e kontrollit konsullor të dokumenteve të qeverisë greke dhe njohja e lejeve të drejtimit shqiptare në territorin grek. Gjithashtu, të dyja palët janë afër përfundimit të eliminimit të referencave periferike në librat shkollorë.
Në praktikë, “gjembi” ka të bëjë me EEZ (marrëveshja për detin), gjë që e mban Athinën hezitues të heqë ligjin e luftës. Debatet e lëna pezull u diskutuan në takimin e planifikuar dje mes ministrave të jashtëm grek dhe shqiptar, Nikos Kotzias dhe Ditmir Bushati, të mënjanuar nga konferenca e tretë mbi stabilitetin dhe sigurinë në Rodos.
Nëse ka marrëveshje, atëherë dy kryeministrat Alexis Tsipras dhe Edi Rama do ta shpallin atë dhe do ta ratifikojnë së bashku.
Kujtojmë se plani fillestar ishte që të ministrat të takoheshin pak pas Pashkëve në Korçë, gjë që padyshim nuk ndodhi për shkak të reagimeve shumë serioze me të cilat Z. Rama u përball: me opozitën dhe qëndrimin e presidentit të vendit Ilir Meta, i cili është duke bërë thirrje për një marrëveshje të mundshme për EEZ në mënyrë që të mos shkelen dispozitat e vendimit të Gjykatës Kushtetuese Shqiptare që anuloi marrëveshjen e mëparshme në vitin 2009.
Ky kusht i veçantë i imponuar nga Z. Meta e bën marrëveshjen e EEZ -së jashtëzakonisht të vështirë. Në shtypin shqiptar, dje, pati një intervistë me Sali Berishën, i cili akuzon qeverinë e Ramës se po përgatitet për të “shitur” detin shqiptar tek grekët, shkruan Panorama.
Dje, në fjalimin e hapjes së konferencës së Rodosit, zoti Kotzias mbështeti perspektivën evropiane të Shqipërisë dhe Maqedonisë, duke thënë se Greqia mbështet “fillimin e negociatave të Maqedonisë Veriore dhe Shqipërisë me Bashkimin Evropian, gjë që do të jetë një fitim i madh për këto dy shtete që janë pjesë e partneritetit tonë për t’u bashkuar me BE-në”.
