Kreu i Partisë Demokratike Lulzim Basha solli në vëmendje pikat kryesore të platformës së opozitës për të luftuar korrupsionin.
Në videon e shpërndarë nga kreu i opozitës renditen të parat masat “antimafia”, nëpërmjet të cilave verifikohet, sekuestrohet, konfiskohet: pasuria e kompanive private dhe pronarëve të tyre; Pasuria e zyrtarëve publikë që verifikohet se kanë abuzuar me detyrën; Pasuria e personave të afërt me pronarin e kompanisë apo zyrtarin.
Qëllimi i paketës antimafia sipas Bashës është: Goditja e Korrupsionit dhe abuzimit me pushtetin; Mbrojtja e pasurisë publike; Garantimi i konkurrencës së lirë
Në videomesazhin e kreut të opozitës sqarohet edhe një pikë tjetër e rëndësishme e paketës: çfarë verifikon antimafia: Kontratat PPP; Kontratat e koncesionit; Kontratat e Prokurimit Publik; Kontratat e tjetërsimit të pasurive publike; Aktet për lejet, licencat, autorizimet për shfrytëzimin e pasurive publike.
