Gjykata dha sot vendimin për padinë e Taulant Ballës, ndaj kreut të PD-së Basha, duke e gjetur fajtor për akuzën e shpifjes, për deklaratat e bëra në lidhje me 3.4 milionë euro të kapura në Portin e Durrësit, verën e 2018-ës. Dënimi i Bashës është bërë shkak për çështjen e Tojota Jaris, ku Balla pretendonte se ishte shpifur në drejtim të tij, dhe se ai nuk kishte lidhje me sjelljen në Shqipëri të miliona eurove. Në një dalje për mediat, kreu i grupit parlamentar të PS-së, Taulant Balla u shpreh se kjo është një ditë historike, nga ku duhet ti jepet fund shpifjeve në drejtim të politikanëve, në mënyrë të padrejtë.
“Shuma e fituar, do të garantohet ndërtimi i një kopshti të mirëfilltë. Ndoshta rastësia ka bërë që Basha të dënohet në 21 janar 2011. 8 vite më parë ka qenë një krim shtetëror.
Rastësia ka bërë që Basha të dënohet me vendim penal në 21 janar, le të jetë ogur i mirë për ndëshkimin përfundimtar për akuzat ndaj tij, apo Berishës për krimin shtetëror të 8 viteve më parë në Dëshmorët e Kombit.
Do doja sadopak nga sa kuptuam nga arsyetimi i gjykatës. Ne politikanët duhet të kuptojmë se jemi qytetarët para se të jemi politikanë, e të trajtohemi njëlloj, por të drejtën për deklarime publike nuk duhet ta shfrytëzojmë për shpifje të ulëta.
Ky vendim i gjykatës është historik, për të cilën ne politikanët duhet të reflektojmë gjatë. I pari është Basha që është shpallur fajtor penalisht, dhe i detyrohet shtetit të shlyejë dënimin që dha gjykata.
E dyta them që do i kërkojë Bashës dhe PD që të heqin dorë nga kjo politikë bajate e bazuar tërësisht në shpifje, dhe ky vendim gjykate të jetë një moment që dhe PD të reflektojë në marrëdhënien ndër-institucionale që ka me maxhorancën, apo kuvendin, ku opozita të ketë tjetër qasje ndaj kuvendit dhe të ushtrojë përgjegjësinë e vet dhe Kuvendi është vendi, ku opozita ka vendin për të ushtruar kontrollin ndaj çdo institucioni.
Drejtësia e re do të jetë ajo që do ta hetojë si duhet krimin shtetëror të 21 janarit 2011, dhe do të jetë gjykata si institucion i pastruar e që ka kaluar vetingun për të dhënë vendimet e merituara të autorëve dhe fajtorëve të krimit shtetëror të 21 janarit”.
