Zëvendëskryeministri i Kosovës, Behgjet Pacolli ka shkruar se sot 6 vite më parë është liruar piloti James Berisha, por zbulon një detaj që askujt s’do t’i vinte mirë kur do ta dëgjonte.
Ai shkruan në Facebook se nuk e ka takuar më prej asaj dite, por ai nuk harron ti urojë të jetë shëndosh e mirë në jetën e përditshme. Behgjet Pacolli shkruan mes tjerash se ende i dridhet trupi kur kujton atë ditë, por shpjegon se memoria e tij për ditë dhe data është shumë e mirë, pavarësisht angazhimeve
“Edhe pse shumë angazhime në punë, unë kam një memorie të jashtzakonshëm kur është në pyetje ditët dhe datat. Sot janë bërë 6 vite nga lirimi i pilotit James Berisha. Trupi ende më lëkundet nga ajo ditë. Shpresoj dhe besoj që Jamesi është mirë me shëndet. Për fat të keq atë nuk e kam parë dhe as takuar më (Pas festës që bëri në shtëpinë e tij, tre ditë pas lirimit). Për mua ka rëndësi të jetë ai mirë, për të tjerat, shëndosh me qene”.
