Detaje të reja janë hedhur në dritë sa i takon sherrit me thika në Berat, ku dy persona përfunduan me plagë të shumta në spital.
Njëri prej tyre ndodhet në gjendje të rëndë shëndetësore. Përplasja mes dy shokëve ka nisur për një vajzë, e cila ishte e lidhur me njërin prej tyre.
Burimet jo zyrtare thonë se sherrin e ka nisur 45-vjeçari Artur Gjata, pasi është xhelozuar kur ka parë shokun e tij Evis Kananin me të dashurën e tij.
Pas debateve me fjalë mes dy shokëve, sherri ka degjeneruar në përleshjen me thika, ku të dy kanë përfunduar në spital dhe 36-vjeçari Kanani ndodhet në gjendje të rëndë.
