Dje kryeministri Rama shoqëroi në ambientet e Ministrisë së Brendshme, Sandër Lleshin. Pas 30 minutash, në një takim me dyer të mbyllura, Rama u largua nga godina e ministrisë së bashku me Fatmir Xhafajn.
Pas largimit të Ramës dhe Xhafajt, Sandër Lleshi ka zhvilluar një mbledhje me drejtuesit e ministrisë, zëvendësministrat dhe drejtorin e Përgjithshëm të Policisë, Ardi Veliu.
Ai ka dhënë edhe urdhrin e parë, në cilësinë e drejtuesit të ministrisë. Burimet bëjnë me dije se ai ka urdhëruar mbajtjen e një mbledhje me drejtorët e policisë së qarqeve. Në mbledhjen në fjalë, pritet që ai të bëjë të ditur edhe objektivat e punës së tij.
