Pas rastit të publikuar nga “Fundjavë Ndryshe”, mjerimi i skajshëm në familjen Shima mori fund, dhe ëndrrat e Gëzimit, Arbenit dhe Ergysit për një shtëpi, ushqim dhe shkollim u bënë realitet.
Biznesmeni Samir Mane nisi ndërtimet për rikonstruksionin e shtëpisë së familjes Shima, dhe një sërë ndihmash erdhën nga qytetarë të ndryshëm.
Fëmijët shkuan në shkollë të lumtur dhe me kokën lartë, pasi nuk kanë më asnjë arsye për t’u përçmuar nga bashkëmoshatarët. Ndërsa kryefamiljari, Ismail Shima u punësua në kompaninë “Bolv Oil”.
Po ashtu nxënësit e shkollës gjermane në Tiranë, “Deutsch Albanische Schule” mblodhën ndihma si mjete shkollore, lodra dhe veshmbathje për bashkëmoshatarët e tyre, me të cilët nuk ndajnë të njëjtin fat.
Sikundër duket qartë edhe nga pamjet në fjalë, fëmijëve u është rikthyer sërish buzëqeshja. Ata janë të lumtur dhe tashmë një rrugëtim i ri do të nis për ta.
Ata kaluan vuajtje të madhe, e ndërsa lotët e tyre tashmë janë shpërblyer me ato të mira që çdokush i meriton. Varfëria tashmë i përket së shkuarës.
